“İnsan alveri ilə mübarizə” mövzusunda seminar-mühazirə keçirilib

Mayın 29-da Azərbaycan Müəllimlər İnstitutunda (AMİ) Polisə Dəstək İB-yi Azərbaycan Respublikası Prezidentinin yanında QHT-lərə Dövlət Dəstəyi Şurasının maliyyə dəstəyi ilə “İnsan alveri ilə mübarizə” mövzusuna dair seminar-mühazirə keçirib. Seminarda institutun tələbə heyəti iştirak edib.
Seminarı giriş sozü ilə AMİ-nin tədris işləri üzrə prorektoru, dosent Razim Məmmədov açaraq seminar iştirakçılarını salamlayıb və sözü “Polisə Dəstək” İctimai Birliyinin sədri Şəmsəddin Əliyevə verib. Ş.Əliyev çıxışında bilidirib ki. Azərbaycan Respublikasında İnsan Alveri ilə Milli Fəaliyyət Planının tələbləri çərçivəsində DİN-in Baş İnsan Alverinə qarşı Mübarizə İdarəsi, Nazirlər Kabinetinə daxil olan qurumların, QHT-lərin, beynəlxalq təşkilatların və digər orqanların iştirakı ilə həyata keçirilən seminarlarda bu orqanlar arasında sıx əlaqənin olması insan alveri ilə əlaqədar daxil olan məlumatların realizə olunmasına şərait yaradır.
Savadsızlıq və məlumatsızlıq  insan alveri cinayətlərinə zəmin yaradan amillərdəndir. Zənnimcə belə faktorları cəmiyyətin sosial faciəsi kimi də qəbul etmək olar.
Əfqanıstan talibanları və Pakistandakı  savadsız destruktiv qüvvələr, İŞİD məhz səviyyələrinə görə  asan idarə olunur, ələ alınır və törədilən transmilli cinayətlər beynəlxalq aləmdə sülh üşün təhlükə yaradır. Bu baxımdan maarifləndirmə işi, təhsil səviyyəsi  ilə sıx bağlı olduğundan tədris proqramlarında hüquqi mövzulara diqqət artırılmalıdır.
İnsan alverində qırmızı xətt kimi keçən qul əməyindən istifadə   əsasən  ağır bədən xəsarətləri, döymə, azadlığın məhdudlaşdırılması, hədələr, rişxənd, lağa qoyma və təhqirlə müşayət edilir.
Qurbanlarla səriştəli ekspertlərin, hüquq-mühafizə  orqanları və digər dövlət təşkilatlarının, QHT-lərin və KİV  əməkdaşlarının birgə müsahibələrin aparılması daha çox səmərə verə bilər.
İnsan alverinə təsir edən  səbəblərdən biri də işsizlikdir. Gənclərin təxminən 65%-i yüksək əmək haqqı olan işlərə getməyə üstünlük verirlər. Bu mənada yeniyetmələrin əksər qrupu təklif edilən  “yüksək əmək haqqı”  vədini fikirləşmədən qəbul edir və belə şəxslərin qeyri-nikbin  ovqatla yaşaması, gələcəyə  və özünə inanmaması  köləliyə məruz qalmağa imkan yaradır.
Azərbaycanda isə işsizlərin sayı  5% təşkil edir. Regionların sosial- iqtisadi inkişafı üzrə dövlət proqramının uğurla həyata keçirilməsi nəticəsində  işsizliyin səviyyəsi hər il aşağı düşür. 100 mindən çox iş yerləri açılmış, onun 80 mini daimi iş yerləridir.
Bütün bunlar Azərbaycanda insan alveri ilə bağlı riskli formaların aradan qaldırılmasına imkan verir.
İnsan alveri cinayətlərində  qadın qurbanlarının olması  narahatlıq doğursa da, son dövrlərin müqayisəli təhlili statistik rəqəmlərdə azalma ilə müşahidə edilir.
İnsan alveri ilə mübarizənin əsas məqsədi müəyyən  qisim insanların köləliyə çevrilməsinin qarşısını almaq, cəmiyyəti  təhlükəsiz, ədalətli və vahid vətəndaş  cəmiyyətinə çevirmək, sosial ədalətin  yeganə təminatçısı olan  məhkəmə hakimiyyətinin  nüfuzunu və etibarını  təsdiqləmək, belə cinayətlərlə mübarizədə ictimai fəallığın artırılmasına nail olmaq, cəzanın labüdlüyünü və məqsədini prinsipallıqla reallaşdırmaqdan  ibarətdir.
Ona görə də, həm əhali və onun riskli təbəqəsi, həm də  miqrantlarla maarifləndirmə tədbirlərinin həyata keçirilməsi ictimaiyyət üçün faydalı olar.
Nəticədə  ölkədə insan alverinin vahiməsinə məruz qala biləcək qurbanlar – vətəndaşlar və ictimaiyyət faydalanacaqlar.

Mətbuat və informasiya şöbəsi