Amerika kəşfiyyatı Rusiyanın Kalininqrada gizli şəkildə "İsgəndər-M” raket komplekslərini yerləşdirdiyini açıqlayıb.

 "Röyters”ə danışan ABŞ kəşfiyyatındakı mənbə Rusiyanın yeni müharibəyə hazırlaşa biləcəyi ehtimalından danışıb.

"Rusiya Kalininqrada "İsgəndər-M” raket komplekslərini yerləşdirir. 2014-cü ildə təlimlər üçün bu ərazilərə raketlər gətirilmişdi. Lakin bu dəfə müharibə hazırlığının olması da istisna deyil. Bu, həmçinin, NATO-ya "əzələ nümayişi”dir”, - deyə mənbə bildirib.

Daha əvvəl "The Guardian” nəşri Estoniya mənbələrinə istinadən məlumat yaymışdı ki, "İsgəndər-M” raket-kompleksləri Sankt-Peterburqdan "Ambal” gəmisində daşınır.