Kəndə basqın: 34 ölü

Mərkəzi Afrika ölkəsi olan Konqoda naməlum şəxslər kəndlərdən birinə baltalarla hücum edərək 34 mülki şəxsi qətlə yetiriblər.

Hadisə Konqonun şərqində yerləşən Kiva bölqəsindəki Beni şəhərinin kəndlərindən birində baş verib. Qətli törədənlərin uqandalı üsyançılar olduğu bildirilir.

Şimali Kivada fəaliyyət göstərən QHT nümayəndəsi 34 nəfərin öldüyünü təsdiqləyib və ölü sayının çoxalacağını istisna etməyib. Daha əvvəl bir ailədən 10 nəfərin evdə yandırılaraq öldürüldüklərini deyən nümayəndə Demokratik Konqo Respublikasını terrora qarşı kifayət qədər tədbir görməməkdə ittiham edib. “Associated Press” agentliyi isə həmin qrupun son 2 ayda 250-dən çox mülki şəxsi qətlə yetirdiyini qeyd edib.

Qeyd edək ki, Konqoda mülki şəxslərin baş bəlasına çevrilmiş çox sayda terror qrupları var.