Kitaba maraq artıb

 “Orta və Ali məktəblərdə kifayət qədər kitab  oxucuları var”. Bunu “Vətəninfo.az”a açıqlamasında Yazılar Birliyinin üzvü Qəşəm Nəcəfzadə bildirib. “ Ümumiyyətlə mən heç vaxt gileylənməmişəm ki, kitab oxuyan yoxdur” –deyən Qəşəm Nəcəfzadənin fikrincə məcburiyyətlə kitab oxutmaq olmaz. İnsanlar özləri seçim etməlidirlər. Səməd Vurğun adına Mərkəzi Kitabxananın Azərbaycan şöbəsinin işçisi Nəzakət Cəfərova isə saytımıza açıqlamasında bildirdi ki,  kitabxananın Azərbaycan şöbəsində indi kifayət qədər oxucumuz var.  “Oxucularımız əsasən tələbələrdir. Lakin  oxucularımız arasında təqaüddə olan insanlar, fəhlələr də var”-deyən Cəfərova, kitabxanada daha çox orta məktəb şagirdlərinin azlıq təşkil etdiyi bildirdi. N. Cəfərova deyib ki, oxucular daha çox İ. Əfəndiyevin, C. Məmmədquluzadənin, S. S. Axundovun,  M. F. Axundzadənin kitablarına müraciət edirlər.

Gülnar Bəşirova