Kobani peşmərgədən imtina etdi

ABŞ-ın Kobanidə İŞİD-ə qarşı döyüşən kürdlərə yardım etməsi PKK-nın silahlı qruplarını bir-biri üz-üzə qoyub.

Vətəninfo.az xəbər verir ki, yardımın kim təəfindən edilməsi ilə bağlı kürd silahlıarı arasında fikir ayrılığı yaranıb. Həatta vəziyyət o yerə çatıb ki, PKK-nın Suriyadakı silahlı qolu olan PYD və YPG döyüşçüləri peşmərgənin Kobaniyə gəlməsinə də etiraz edirlər.

PYD təmsilçilərindən olan Ənvər Müslim BBC-nin türkiyə bürosuna açıqlamasında yardım məsləsinə aydınlıq gətirib. O deyib ki, ABŞ silah-sursat və tibbi ləvazimatlar atdı, gənclər gedib götürdülər.

Ənvər Müslim deyib ki, onların peşmərgəyə eytiyacı yoxdu. Əgər yardım edəcəklərsə, silah sursatla etsinlər. Kobaniyə gəlmək məsələsini isə YPG ilə müzakirə etməlidirlər.

“Ehtiyac olarsa YPG gəlmələrinə razılıq verər. Yaxşı olar ki, onlar İraqda qalıb İŞİD-lə döyüşsünlər. Bizim İŞİD-lə savaşacaq kifayət qədər gənclərimiz var”, - Müslim əlavə edib.