Luqanskda 2 dinc sakin qətlə yetirildi

Ukraynanın Luqansk şəhərində iki nəfər Ukraynalı dinc sakin həlak olub.

Vətəninfo.az-ən unian.net-ə istinadən verdiyi xəbərə görə, separatçılar dünən axşamdan başlayaraq Luqanskda olan Ukrayna ordu birləşmələrinin hissələrini atəşə tutublar. Separatçılar əsasən iri çaplı silahlardan və mina atanlardan istifadə ediblər.

Baş vermiş qarşıdurma zamanı 2 ukraynalı dinc sakin həlak olub, separatçıların atdığı güllə və minalar bir çox hallarda insanların yaşadığı ərazilərə də ziyan vurub. Separatçılar həmçinin Luqansk elektrik stansiyasını da mərmilərdən atəş tutublar. Nəticədə dünən axşamdan etibarən şəhərin bir sıra vilayətləri işıqsız qalıb. Qeyd edək ki, Bu ayın əvvəllərindən etibarən Ukrayna və Rusiya razılığa gələrək bu ayın 5-dən etibarən atəşkəsə riayət edəcəklərini bildirsələr də, separatçılar bu qaydaya məhəl qoymurlar.

Əziz