Maşın vurdu, meyit ortada qaldı

Gecə Bakının Nərimanov rayonunda piyadanın ölümü ilə nəticələnən yol nəqliyyat hadisəsi baş verib.

Hadisə Heydər Əliyev prospektində baş verən qəza zamanı yolu keçmək istəyən 45-50 yaşlarına kişi piyada “Hyundai” markalı avtomaşının sürücüsü tərəfindən vurulub. Piyada aldığı xəsarətlər nəticəsində hadisə yerində dünyasını dəyişib.

Qəzadan sonra hadisə yerində nərimanov rayon polis idarəsinin əməkdaşları tərəfindən araşdırma aparılıb. İşi araşdıran müstəntiq Elçin Mustafayev isə piyadanı vuran sürücünün şəxsiyyətini bilsə də, bunu gizlətməyə çalışdı. Hadisə şahidləri isə bildirdilər ki, piyadanı vuran sürücü polis əməkdaşı olub.

Qəzada təəssüf hissi doğuran bir məqam isə dünyasını dəyişən şəxsin meyitinin ortada qalması oldu. Təxminən 2 saata qədər asfaltın üzərində qalan meyiti morqa aparmağa nə müstəntiq, nə də ki, idarənin digər işçiləri bir maşın tapa bilmirdilər. Uzun sürən axtarışlardan sonra polislərin dadına təsadüfən həmin ərazidən keçən yük maşını çatdı. Elə piyada məhz maşının yük yerinə qoyularaq morqa göndərildi.

Qəzada maraqlı digər bir məqam isə ondadır ki, dünyasını dəyişən şəxs hadisə yerindən təxminən 15-20 metr aralıda olan piyada keçidinin yaxınlığında avtomaşın tərəfindən vurulub. Onun keçiddən istifadə etməməsi həyatı bahasına başa gəlib. Hadisə ilə bağlı başlanan araşdırmalar davam etdirilir.