Mədəndən daha iki cəsəd çıxarıldı

Türkiyənin Karaman vilayətinin Ermenek şəhərindəki mədənin dağıntıları altından daha iki işçinin cəsədi çıxarılıb.

Vətəninfo.az-ın verdiyi məlumata görə, hazırda 14 mədən işçisinin cəsədinin axtarışı davam edir.

Noyabrın 7-də iki mədən işçisinin cəsədi aşkar edilmişdi.

Qeyd edək ki, oktyabrın 28-də Ermenek şəhərindəki mədəndə uçqun baş vermişdi. Hadisədən sonra mədən ərazisinə su dolmuşdu. Qəza zamanı mədəndə təqribən 40 işçi olub. Onlardan çoxu xilas edilib.