Millət vəkili "Bakcell"i məhkəmə ilə hədələdi

Vətəninfo.az xəbər verir ki, bu gün Milli Məclisin plenar iclasında cari məsələlərə ayrılan zaman çıxış edən millət vəkili Elmira Axundova ölkədə mövcud olan mobil operatorlarla bağlı tənqidi fikirlərini bildirdi.

Millət vəkili vurğulayıb ki, mobil telefon operatorları vətəndaşların telefonlarına müxtəlif səpkili mesajlar göndərirlər: "Bu mesajlar arasında hansısa uduşlardan, kampaniyalardam bəhs olunur. Yalançı kampaniyalarla vətəndaşların ciblərinə girən bu şirkətlər soyğunçuluqla məşğul olurlar. Xüsusilə də "Bakcell" şirkəti bu insiqamətdə daha da dərinə gedərək 10 minlik, 20 minlik uduşlar vəd edir. Əgər "Bakcell" bu səpkili mesajlarını dayandırmazsa, mənə olunan şikayətləri əsas götürərək şirkəti məhkəməyə verəcəm".

Vətəninfo.az