Milli Məclis ünvanlı sosial yardım şərtlərini asanlaşdırdı

Milli Məclisin bugünkü iclasında "Ünvanlı dövlət sosial yardımı haqqında" qanuna dəyişiklik müzakirə edilib.

Milli Məclisin Sosial siyasət komitəsinin sədri Hadi Rəcəbli layihə barədə məlumat verib. O qeyd edib ki, dəyişiklikdə müvafiq qanunun 8.1-ci maddəsində “1 il” ifadəsi “2 il” ifadəsi ilə əvəz olunacaq. Qeyd edək ki, dəyişiklikdə vətəndaşların hüquqlarının daha güclü şəkildə qorunması, onların sosial durumunun yaxşılaşdırılması nəzərdə tutulur. Vətəndaşlar əvvəllər 6 ay, sonralar isə 1 il müddətinə bu hüquqdan yararlanırdılarsa, indi yenidən heç bir sənəd düzəltmədən iki il bu hüquqdan istifadə imkanı əldə edirlər. Dəyişiklik qəbul edilib.