Neftin qiyməti 20 dollara düşsə də...

Səudiyyə Ərəbistanı neftin 1 barrelinin qiyməti 20 dollara düşsə də hasilatı azaltmaq niyyətində deyil.

Vətəninfo.az xəbər verir ki, bu fikri krallığın neft naziri Əli əl-Nuyami səsləndirib.

Əl-Nuyami “Middle East Economic Survey” nəşrinə müsahibəsində deyib: “Qiymət istər 20, istər 40, istərsə də 50 dollara qədər ensin, bunun heç bir əhəmiyyəti yoxdur”. Onun sözlərinə görə, hətta qiymətlərin xeyli düşməsinə baxmayaraq neftin hasilatının azalması nə Ər-Riyadın, nə də Neft İxrac edən Ölkələr Təşkilatının (OPEK) maraqlarına cavab vermir.

Əl-Nuyami vurğulayıb: “OPEK siyasəti çərçivəsində neft hasilatının azalması onun qiymətindən asılı olmayaraq hasilatçıların marağında deyil. O, həmçinin bildirib ki, ölkə “hər bir yeni müştərinin ehtiyacını təmin etmək üçün neft hasilatını və bazardakı payı artırmağa” hazırdır.