Nigar Yaqublunun məsələsi parlamentdə qaldırıldı

Ümid Partiyasının sədri, deputat İqbal Ağazadə parlamentin bugünkü iclasında iki məsələ haqqında danışıb.

Teleqraf.com-un məlumatına görə, millət vəkili öncə Nigar Yaqublunun həbs edilməsinə etirazını ifadə edib: “Biz, bir neçə deputat Sumqayıt və Abşeron məhkəməsinə müraciət edərək Nigar Yaqublu haqda həbs-qətimkan tədbirinin dəyişdirilməsini xahiş etdik. Ancaq təəssüflər olsun ki, buna əməl edilmədi, məhkəmə adekvat reaksiya vermədi. Heç bir ölkədə bu cinayətə görə, qadını həbs etmirlər. Mən buna təəssüf edirəm”.

İ.Ağazadə daha sonra 18 Oktyabr müstəqillik bayramı haqqında danışaraq bu günün iş günü kimi qeyd edilməsini pisləyib və bu haqda düşünməyin vacibliyini vurğulayıb. Onun sözlərinə görə, 28 May Respublika Gününün qeyd edilməsi 18 Oktyabr Müstəqillik Gününün iş günü olmasına səbəb ola bilməz.