Ninova və Sincar bölgələrində bəzi ərazilər hələ də “İslam dövləti” tərəfdarlarının nəzarətindədir

İraq Kürdüstan muxtariyyətinin rəhbəri “İslam xilafəti” ilə mübarizədən danışıb. Məsud Bərzani peşmərgənin terrorçularla mübarizədə zəfər çaldığını və bir çox ərazilərin azad olunduğunu açıqlayıb.
 
Vətəninfo.az Axar.az-a istinadən xəbər verir ki, Bərzani İŞİD təhlükəsinin davam etdiyini də vurğulayıb. Onun sözlərinə görə, Ninova və Sincar bölgələrində bəzi ərazilər hələ də “İslam dövləti” tərəfdarlarının nəzarətindədir.

Kürd rəhbərliyi söyləyib ki, bu regionların terrorçulardan azad olunması yalnız Mosul şəhərini işğaldan xilas etməkdən asılıdır. O, türkmanların yaşadığı bu qədim İraq şəhərinin açar olduğunu bildirib.

 Qeyd edək ki, iyundan Mosul vəhhabi-terrorçu qüvvələrin işğalındadır. Bu qüvvələr İslam dövləti qurmaq adı ilə şəhərləri xarabalığa çevirir, dinc insanları qətlə yetirir, başlarını kəsir, edam görüntülərini sosial şəbəkələrində yayırlar.