Paralimpiyaçılarımız dünya çempionatında beş medal qazanıblar

Böyük Britaniyanın Qlazqo şəhərində paralimpiyaçılar arasında üzgüçülük üzrə dünya çempionatı başa çatıb.

Vətəninfo.az AZƏRTAC-a istinadla xəbər verir ki, yarışların sonuncu günündə Azərbaycan Milli Paralimpiya Komitəsinin idmançıları daha 3 medala sahib olublar. Roman Saley 50 metr məsafəyə sərbəst üsulla üzgüçülük yarışlarında gümüş medal qazanıb. Dmitri Saley 100 metr məsafəyə kəpənək, 50 metr məsafəyə isə sərbəst üsulla üzgüçülük yarışlarında üçüncü olub.

Beləliklə, üzgüçülük üzrə dünya çempionatında paralimpiyaçı idmançılarımız 2 gümüş və 3 bürünc medalla Vətənə qayıdırlar. Hər iki idmançımız "Rio-2016” Yay Paralimpiya Oyunlarına ikinci lisenziyanı qazanıblar.