Pənahəli xanın nəslindən olan Tural İbrahimov bu günlərdə Şuşanı ziyarət edib. 

Səfər zamanı çəkilən fotolar təkcə şəxsi yaddaşın izləri deyil, həm də tarixlə bu gün arasında körpü rolunu oynayır.

Eyni zamanda, bu ziyarət simvolik məna daşıyır. Çünki Şuşanın banisi olan Pənahəli xan Cavanşir XVIII əsrdə Qarabağ xanlığını quraraq bu torpaqlarda dövlətçilik ənənələrinin əsasını qoymuşdu. Bu gün onun varisinin həmin torpaqlara qayıdışı sanki zamanın öz axarında tarixi bir dövrəyə bağlanmasıdır.

Ümumiyyətlə tarixi şəxsiyyətlərin varislərinin bu kimi səfərləri təkcə nostalji deyil, həm də vətən sevgisinin, tarixə hörmətin və mədəni yaddaşın təcəssümüdür.