General-leytenant Məhərrəm Əliyev hakimiyyətə ən sadiq adamlardan biri kimi hakim komandada həmişə rəğbətlə qarşılanıb. İllər öncə Bakı Şəhər Baş Polis İdarəsinin rəisi vəzifəsində işləyən və bu vəzifədən çıxarılaraq xarici dövlətlərin birində səfir kimi xidmət edən generalın yenidən Azərbaycan Respublikası Prezidentinin Müdafiə məsələləri üzrə köməkçisi xidmətinin müdafiə məsələləri şöbəsinin müdiri vəisfəsinə gətirilməsi o demək idi ki, ölkə rəhbərliyi heç də münsibətlərini birdəfəlik Əliyevlə kəsməyib.

Bu gün bəzi KİV-lərin Məhərrəm Əliyevin hansisa ölkələrin birinə səfir göndərilməsi xəbərinə gəldikdə isə, bu bir o qədər də inandırıcı görünmür. Əksinə, Azərbaycana xarici güclərin bu gün nə qədər təsir göstərməsi heç kimə sirr deyil. 

Polis general-leytenantı M.Əliyevin bir neçə il diplomatik fəaliyyətdən sonra bu vəzifəyə təyin olunduğunu nəzərə alıb deyə bilərik ki, sözügedən adamın yaxınlarda yenı təyinatını gözləməyə dəyər.

Dünən Azərbaycan prezidentinin hərbi məsələlər üzrə köməkçisi Vahid Əliyev vəzifəsindən azad olunub, onun səlahiyyətləri Fuad Ələsgərova həvalə olunub. Bundan sonra F.Ələsgərov prezidentin hüquq-mühafizə orqanları və hərbi məsələlər üzrə köməkçisi vəzifəsini icra edəcək.

Məhərrəm Əliyevin birbaşa tabeçiliyində çalışdığı Prezidentin hərbi məsələlər üzrə köməkçisi Vahid Əliyevin də kənarda qalması çoxlarını təəccübləndirib. 

Vahid Əliyevin vəzifəsindən azad olunmasının arxasında Azərbaycan Ordusundakı son proseslərin  "Casus işi”nin rolu olduğu versiyası inandırıcı görünmür. 

Vahid Əliyevin yararsız kadr kimi İlham Əliyev tərəfindən "vurulması" da inandırıcı görünmür. Çünkı general-leytenant Vahid Əliyev ordu quruculuğunda xüsusi xidmətləri olan general kimi xarakterizə olunub. Səfər Əbiyev Müdafiə Naziri postundan uzaqlaşdırılandan sonra kadrların yerləşdirilməsində Vahid Əliyevin  bir müddət akktivliyi hiss olunsa da, sonda fəaliyyətsizliyi də müşahidə olundu. Bunun nə ilə bağlı olduğunu isə şaiyələrə əsaslanıb demək mümkün deyil.

Miq.Az olaraq sonda qeyd etmək istəyirik ki, bütün sonluqlar, habelə kimin hara təyinat alması və kimin işdən çıxarılması cənab Ali Baş Komandan, ölkə başçısı İlham Əliyevin səlahiyyətindədir. O ki qaldı yazılanlara, bunlar qeyri-rəsmi məlumatlar və versiyalardır...