Prezidentdən Çin liderinə başsağlığı

Azərbaycan Respublikasının prezidenti İlham Əliyev Çin Xalq Respublikasının sədri Si Cinpinə başsağlığı məktubu ünvanlayıb.

Vətəninfo.az AZƏRTAC-a istinadən bildirir ki, məktubda deyilir:

"Hörmətli cənab Sədr,

Tyantszin şəhərində baş vermiş güclü partlayışlar nəticəsində çox sayda insanın həlak olması və yaralanması xəbəri bizi olduqca kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, bütün Çin xalqına öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram".