Putin deyən oldu

Qərbin Rusiya barəsində tətbiq etdiyi sanksiyalar Ukraynanın şərqində böhranın nizama salınması prosesində irəliləmə baş verən halda aradan qaldırılmalıdır.

ANS PRESS-in məlumatına görə, bunu "France Inter" radiostansiyasına müsahibəsində Fransa prezidenti Fransua Olland bildirib.

O deyib: "Əgər Rusiyada böhrandırsa, bu, mütləq Avropa üçün yaxşı olmayacaq. Düşünürəm ki, sanksiyalar indi dayandırılmalıdır. Əgər irəliləmə olarsa, təbii ki, sanksiyalar tam aradan qalxacaq. Əgər irəliləmə olmasa, sanksiyalar qalacaq."

Xatırladaq ki, Almaniyanın vitse-kansleri Ziqmar Qabriel də Qərb ölkələrini Rusiyaya qarşı növbəti sanksiyaların tətbiqindən çəkinməyə çağırıb.