Putin ilə Obama arasındakı gərginlik aradan qalxır

“Rusiya və ABŞ arasında praqmatik və real dialoq gedir”. Modern.az saytının verdiyi məlumata görə, bunu “Bloomberg” telekanalına müsahibəsində Rusiyanın  xarici işlər naziri Sergey Lavrov deyib. 
O bildirib ki, Rusiya prezidenti Vladimir Putin amerikalı həmkarı Barak Obama ilə vaxtaşırı olaraq telefonla əlaqə saxlayır. 
“Kifayət qədər praqmatik dialoq gedir və prezidentlər qarşılıqlı əməkdaşlığın konkret sferalarını müzakirə edirlər. Bunun hər iki ölkəyə xeyri var”,-deyə Sergey Lavrov bildirib. 
Nazir əlavə edib ki, onun özü də ABŞ dövlət katibi Con Kerri ilə daha ətraflı müzakirələr aparır.   
Qeyd edək ki, ABŞ-Rusiya əlaqələrində gərginlik Ukrayna münaqişəsi  başlayandan sonra pik həddə çatıb.  

Vətəninfo.az