Teleqraf.com xəbər verir ki, bunu ABŞ Müdafiə Nazirliyinin Kəşfiyyat İdarəsinin direktoru Skott Berrier deyib.

"Blumberq”in məlumatına görə, Berrierin 67 səhifəlik hesabatında müharibənin uzanacağı təqdirdə, Rusiya ordusunun canlı qüvvə və müasir silah ehtiyatının tükənməyə başlayacağı və sanksiyaların iqtisadiyyata təsirinin daha da hiss olunacağı bildirilib.

"Bu müharibə və onun nəticələri Rusiyanın ənənəvi gücünü yavaş-yavaş zəiflətdiyinə görə çox güman ki, Rusiya həm daxildə, həm də xaricdə "əzələ nümayiş etdirmək” üçün nüvə hədəsinə keçəcək”, - Berrier qeyd edib.

O, Rusiyanın bu yola öz tələblərinin həyata keçməsinə şərait yaratmaq üçün əl ata biləcəyini deyib.

Hesabatda müharibə və iqtisadi sanksiyaların Rusiyanın dəqiq idarə olunan raketlər istehsal etmək imkanlarına da mənfi təsir göstərəcəyi bildirilib.

Putin keçən həftələrdə nüvə silahı ilə bağlı xəbərdarlıq səviyyəsini yüksəltdiyini açıqlamışdı.