Qadını qarət etdilər

Xaçmaz sakininə qarşı quldurluq edilib.

Vətəninfo.az xəbər verir ki, Xaçmaz Rayon Polis Şöbəsindən APA-ya verilən məlumata görə, hadisə rayonun Nərəcan kəndində qeydə alınıb.

 Kənd sakini Qələmnaz Bədəlovanın yaşadığı evə girən şəxsiyyəti məlum olmayan 3 nəfər onu döyərək mənzildən 3 min manat pul və qızıl zinət əşyaları aparıb.

Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində hadisəni törədənlərdən biri Nərəcan kənd sakini, əvvəllər məhkum olunmuş Rüstəm Qeybullayev tutulub.

Hazırda polis hadisəni törədən digər şəxslərin tapılması istiqamətində axtarış tədbirlərini davam etdirir.

Vətəninfo.az