Bu sözləri BAXCP sədri, prezidentliyə namizəd Qüdrət Həsənquliyev deyib.

Prezidentliyə namizəd bildirib ki, bu günə qədər seçkilər demokratik şəraitdə keçirilib:

"Əlbəttə, namizədlərin imkanları eyni deyil. Seçki kampaniyası dövründə Seçki Məcəlləsinin hər hansı bir normasının pozulması halları müşahidə edilməyib. Ümid edirəm ki, səsvermə günü də qanunlara uyğun olaraq səsvermə prosesi keçiriləcək. Bu seçki daha güclü, daha demokratik Azərbaycanın formalaşmasına şərait yaradacaq və Qarabağın azad olunmasına yol açacaq. Biz Qarabağı azad edəcəyik və daha güclü Azərbaycanı yaradacağıq. Bu seçkilər xalqımız və dövlətimiz üçün xeyirli olsun”.