"Atam varlığımı danır" - FOTOFAKT

Aktrisa və aparıcı Kəmalə Nurəddin Mehdixanlının qızı olduğunu sübut etdi

Aktrisa və aparıcı Kəmalə Quliyevanın xalq artisti Nurəddin Mehdixanlının qızı olduğunu sənədlərlə sübut edib. Vətəninfo.az-ın Axşam.az-a istinadən verdiyi məlumata görə, aktrisa doğum haqqında şəhadətnaməsinin surətini mətbuatda yayıb.

"Atam varlığımı danır. İnsanlar məni yalançı kimi tanıyır. Özümü bu yolla reklam etdiyimi düşünürlər. Hər zaman işimlə tanınmaq istəmişəm. Bu mövzünü qabartmağı ağlımdan belə keçirməmişəm. Onsuz tanıyan bilir ki, həqiqətən də onun qızıyam. Atamın məni inkar etməsi səhv oldu. Şou-biznesə qatılmaq niyyətim olmayıb. Mənim əlimdə onun qızı olmağımla bağlı sənədlərim var. Bununla bütün söz-söhbətə son qoyacam. Bu sənəd sübut edir ki, mən Nurəddin Mehdixanlının qızıyam", - deyə Kəmalə Quliyevə əlavə edib.

Qeyd edək ki, bir müddət öncə mətbuatda açıq-saçıq şəkilləri yayıldıqdan sonra Nurəddin Mehdixanlı Kəmalə Quliyeva adlı bir qızı olmadığını və onunla hər-hansı bir qohumluq əlaqələrinin olmadığını iddia edirdi.

Vətəninfo.az