"Biz belə bir dəvəti uyğun görmürük"

Türkiyədə Milliyətçi Hərəkat Partiyasının (MHP) lideri Dövlət Baxçalı seçki sonrası koalisiya müzakirələrini alovlandıracaq bəyanat verib. Vətəninfo.az ANS PRESS-ə istinadən məlumat verir ki, Bozqurdların lideri ölkə prezidenti Rəcəb Tayyib Ərdoğanın, “bütün liderlərlə görüşəcəyəm” sözünə cavab verib. “CNN Türk”ə açıqlama verən Baxçalı ölkə başçısından gələcək dəvəti üstü örtülü rəd edib:
“Hər hansı bir millət vəkilinə (hökuməti qurmaq) vəzifəsi vermək səlahiyyəti əlbəttə prezidentdədir. Amma növbəti mərhələ vəzifələndirilən şəxsə aiddir. Liderlərlə tək-tək görüşmək prezidentin işi deyildir. Biz belə bir dəvəti uyğun görmürük. Sadəcə prezidentin vəzifələndirəcəyi şəxslə görüşəcəyəm”.