Azərbaycanda dəmiryolu stansiyasının rəisini maşın vurub. Miq.az anspress-ə istinadən xəbər verir ki, "Azərbaycan Dəmir Yolları" Qapalı Səhmdar Cəmiyyətinin Köçərli stansiyasının rəisi Xasay Mustafayevi ağır yol qəzasına düşüb.

Mustafayevi stansiyanın qarşısında yolu keçmək istəyərkən avtomobil vurub. Daha sonra hadisəni törədən "Chevrolet" markalı maşın yolun kənarındakı elektrik dirəyinə çırpılıb.

Yaralı təcili tibbi yardım maşını ilə Bərdə Mərkəzi Rayon Xəstəxanasına çatdırılıb. Baş və ayaq nahiyəsindən xəsarət alan Xasay Mustafayevin vəziyyəti orta ağırdır. O, hazırda reanimasiya şöbəsindədir.

Faktla bağlı Tərtər rayon polis şöbəsində araşdırma aparılır.