Moderator.az xəbər verir ki, bu haqda sosial şəbəkələrin erməni seqmentində  "Arcakh24” portalının baş redaktoru Marat Yeganyan paylaşım edib.  

 

"Uratax kəndindən olan erməni qız pasportunun Qazaxıstan Respublikasına aid olması səbəbindən Rusiya hərbçilərinin nəzarət-buraxılış məntəqəsində avtobusdan düşürülüb. Artsax rəhbərliyinin nümayəndələrindən bu olaya münasibət bildirmələrini xahiş edirik” – M.Yeganyan belə  yazıb.

 

Xatırladaq ki, beynəlxalq qanunlara əsasən Azərbaycan dövlət sərhədini keçmək istəyən hər bir kəs məhz Azərbaycanın müvafiq dövlət qurumları tərəfindən yoxlanılmalıdır... Amma son məlumatlara görə, Laçındakı sərhəd-keçid məntəqəsində dayanan Rusiya hərbçiləri  bu işə özləri nəzarət edir və yalnız Ermənistan və Rusiya vətəndaşlarını Xankəndi istiqamətinə buraxırlar...