“Şah arvadı və cadugər” romanı özbək dilində çap edilib

Vətəninfo.az  xəbər verir ki, Daşkənddəki “Yanqi asr avlodi” nəşriyyatında yazıçı-publisist, türkoloq alim, tarixi romanlar müəllifi Yunus Oğuzun “Şah arvadı və cadugər” romanı “Dünya ədəbiyyatı kitabxanası” seriyasından özbək dilində çap edilib. Romanı orijinaldan özbək dilinə ədəbiyyatımızın yaxın dostu, şair və tərcüməçi Usman Kuçkar çevirib. Ötən il Usman Kuçkarın tərcüməsində yazıçının “Əmir Teymur” romanı Daşkənddə özbək dilində çap olunaraq böyük populyarlıq qazanıb. Bu əsər Qırğızıstan və Qazaxıstanda da rus dilində nəşr edilib.

Vətəninfo.az