1. Miq.az
  2. Taleh Şahsuvarlı “Gündəlik Teleqraf”dakı vəzifəsindən istefa verdi

Taleh Şahsuvarlı “Gündəlik Teleqraf”dakı vəzifəsindən istefa verdi

Taleh Şahsuvarlı “Gündəlik Teleqraf”dakı vəzifəsindən istefa verdi
Tarix: 08.10.2015 17:40
Baxış sayı: 960

16 saylı Yasamal İkinci Seçki Dairəsindən deputatlığa namizədliyi qeydə alınan jurnalist, sosioloq Taleh Şahsuvarlı "Gündəlik Teleqraf” qəzetinin şef-redaktoru vəzifəsindən istefa verib. O həmin qəzetdə "Gündəlik Teleqraf” MMC yarandığı gündən bəri çalışırdı.

Fakt "Gündəlik Teleqraf” MMC-nin rəhbəri Aynur Camalqızı da təsdiqləyib.

İstefası ilə bağlı açıqlama verən T.Şahsuvarlı bildirib ki, o, bu addımı Seçki Məcəlləsinin tələblərinə uyğun atıb: "Səsvermənin nəticələrindən asılı olmayaraq 1 noyabrdan sonra "Gündəlik Teleqraf” qəzetində öz fəaliyyətimi davam etdirəcəm”

Deputatlığa qeydə alınmış namizəd diqqətini təbliğat-təşviqat işlərinə yönəldəcək.

Taleh Şahsuvarlı 10 mart 1977-ci ildə -ci ildə anadan olub. Bakı Dövlət Universitetinin tarix fakültəsinin və Yasamal rayonundakı 20 saylı orta məktəbin nəzdində təşkil olunmuş Respublika Tarix Litseyini ekstern yolla bitirib. Bakı Dövlət Universitetinin sosial elmlər və psixologiya fakültəsində ali təhsil alıb. 1995-ci ildən jurnalistika sahəsində çalışır. Azərbaycanda müstəqil tələbə qəzetinin naşiri, mətbuat tarixində ən gənc qəzet baş redaktoru olub. Azərbaycanın tanınmış siyasi analitikidir. "Seçki mübarizəsi" adlı elmi monoqrafiyanın və bir sıra digər kitabların müəllifidir. Azərbaycan Yazıçılar Birliyinin üzvüdür.
 
Modern.az


Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az