Türkiyəli iş adamı beynəlxalq axtarışa verilib

Vətəninfo.az-ın APA-ya istinadla məlumatına görə, bu barədə İnterpolun saytında məlumat yerləşdirilib.

 Məlumatda qeyd olunur ki, 35 yaşlı Mahmut Marhan vergidən yayınmaqda təqsirləndirilir. O, Azərbaycanı tərk etdiyi üçün barəsində dövlətlərarası axtarış elan edilib və saxlanılması üçün İnterpola müraciət olunub.

  Mahmut Marhan Azərbaycanda biznes fəaliyyəti ilə məşğul olub.

 Qeyd edək ki, son vaxtlar Azərbaycan hüquq-mühafizə orqanları ölkədə sahibkarlıqla məşğul olmuş daha bir neçə türkiyəli iş adamı barəsində də beynəlxalq axtarış elan edib.

 Onların hamısı vergidən yayınmada ittiham olunur.