Ukraynanın Milli Bankı qarət olundu

Ukraynada hər kəsi şoka salan oğurluq hadisəsinin üstü açılıb. ANS PRESS-in məlumatına görə, Ukrayna Milli Bankında qızıl külçələr adi qurğuşunla dəyişdirilib.

Bu faktın üstü Milli Bankının Odessadakı saxlancları yoxlanarkən aşkarlanıb. Auditorlar 5 milyon dəyərində olan qızıl küçələrin yerinə qızılı boyanmış qurğuşunları aşkarlayıblar.

Dələduzlar bir neçə ay ərzində hazırlanmış sxem üzrə işləyiblər. Onlar avqust ayından noyabradək qurğuşundan olan yalançı külçələri Milli Bankın şöbəsinin xəzinədarına veriblər.

Ukrayna Milli Bankının əməkdaşı saxta qızılı saxlanca gətirərək rəsmiləşdirib.

Fırıdaqçıları yalnız bir neçə ay sonra Ukrayna Milli Bankının Odessa şöbəsinin yoxlanması zamanı ifşa etmək mümkün olub. İndi işə polis cəlb edilib.