Vurğun Əyyub 1-ci müavin təyin olundu

Fevralın 28-də Azərbaycan Demokratiya və Rifah (ADR) Hərəkatı İdarə Heyətinin (İH) 2-ci iclası keçirilib.

Vətəninfo.az apa-ya istinadən bildirir ki, iclasda İcra Aparatının və mətbuat xidmətinin yaradılması, eləcə də Ali Məclisin komissiyaları barədə də fikir mübadiləsi aparılıb.

Təşkilati məsələ çərçivəsində Qubad İbadoğlu Nizamnamə ilə ona verilən səlahiyyətlərindən istifadə edərək ADR Hərəkatın sədri kimi imzaladığı ilk sərəncamla İH üzvü Vurğun Əyyubu ADR Hərəkatı sədrinin 1-ci müavini təyin etdiyini açıqlayıb. İH üzvləri bu sərəncamı dəstəkləyiblər.

Eyni zamanda Nizamnaməyə müvafiq olaraq razılaşdırılıb ki, Q. İbadoğlunun martın 2-dən ABŞ-a başlayan səfəri müddətində onun səlahiyyətlərini sədrin 1-ci müavini V. Əyyub həyata keçirəcək.