Xərçəng xəstələrinin sağalması genlərdən asılıdır - ARAŞDIRMA

Miq.az  AZƏRTAC-a istinadən xəbər verir ki, ABŞ-ın Roçester Universitetinin nəzdindəki Vilmot Xərçəng İnstitutu, Dana Farber / Briqham və Qadın Xərçəng Mərkəzi və Stenford Xərçəng İnstitutunda mədəaltı vəzi adenokarsinoması olan 356 xəstə araşdırılıb.
Bütün vəziyyətlərdə mədəaltı vəzidəki şiş hüceyrələri cərrahiyyə əməliyyatı vasitəsilə təmizləndikdən sonra elm adamları xərçəng toxumasından və yaxınlıqdakı normal toxumadan DNT nümunələrini götürüblər. Alimlər nümunələri istifadə edərək növbəti nəsil DNT ardıcıllığını ərsəyə gətiriblər.
Tədqiqat zamanı KRAS, CDKN2A, SMAD4 və TP53 genlərinin fəaliyyəti diqqətə alınıb. Məlum olub ki, həmin genlərdən hamısının və ya ən azı üçünün dəyişikliyə məruz qaldığı xəstələrin əməliyyatdan sonra sağ qalmaq şansları çox azdır.

Mədəaltı vəzi adenokarsinoması ən geniş yayılmış mədəaltı vəzi şişidir.