Yaralı əsgərimizə nə oldu?

Neytral mövqedə vurulan əsgərimizin axtarışları başa çatıb.

“Vətəninfo.az” xəbər verir ki, Ermənistan silahlı qüvvələrinin Tovuz istiqamətində açdığı atəş nəticəsində yaralanan milli ordumuzun hərbi qulluqçusu Orucov Elçin Rauf oğlunun axtarışları davam edir. Bu barədə ANS-in müxbiri Vasif Vaqif oğlu məlumat verib.

“Hərbi xidmətçi Elçin Orucovun axtarışları başa çatıb. Hazırki, vəziyyət haqqında heç bir məlumat əldə olunmayıb. Hərbçilərdən aldığım məlumata görə Elçin Orucov neytral ərazidə vurulduğundan gündüz baxış keçirmək mümkün deyil. Həmin sahələrə qaranlıqda baxış keçirmək olur, lakin həmin hərbçini tapmaq mümkün olmayıb”.

Qeyd edək ki, Elçin Orucovun xidmət etdiyi Tovuz rayon Qayalar kəndinə hazırda onun yaxınları da gəliblər. Yaxınlarının verdiyi məlumata görə Elçin yaralanıb, evlə telefon əlaqəsi saxlayıb. Yaralanması barədə valideynlərini xəbərdar edib. Müdafiə Nazirliyindən isə bildirirlər ki, Elçin Orucovun ailəsi ilə telefonla danışması haqqında heç bir dəqiq məlumat yoxdur. Axtarışlar davam etdirilir.