Yeni prodüser mərkəzi

Vətəninfo.az  xəbər verir ki, Rejissor Nail Naiboğlu müğənnilərin ürəyincə olacaq prodüser mərkəzini təsis edib. Məlumata görə, rəhbəri N.Naiboğlunun özü və prodüseri Pərviz Oqtayoğlu olan prodakşın “Bu saat” adlanır. Rejissor bildirib ki, fəaliyyət başlayan prodakşın müğənnilərin düzgün və keyfiyyətli reklam piarı ilə məşğul olacaq.

“Artıq prodakşının siması da məlumdur. O, Azərbaycanın əməkdar artisti Manana Caparidzedir”, - rejissor deyib. Rejissor onu da qeyd edib ki, prodakşının ilk üzvü müğənni Mədət İsgəndərovdur. Artıq onunla iş fəaliyyətinə başlanılıb.

Müğənni Mədət İsgəndərov “Zirvədəkilər” layihəsinin Qran-Pri mükafatçısı seçilib. O, layihənin Qran-Pri mükafatçısı kimi yeni klipini də təqdim edib. Belə ki, sözləri və musiqisi müğənninin özünə aid olan “Şa la la” mahnısına çəkilən klipin rejissoru N.Naiboğludur.
“Üç günə çəkilən klipdə Mədət uğur gətirən mələk obrazını canlandırıb. Klipdə Mədətdən başqa, gənc aktyorlar da rol alıblar. Çəkilislər Bakının müxtəlif məkanlarında, habelə pavilyonda aparılıb. Klipin operatoru Emin Hüseynov, prodüser Pərviz Oqtayoğlu və montaj Elnar Həşimovdur”, - N.Naiboğlu bildirib.

Vətəninfo.az