2020-2021-ci illərdə şirkətin səhmlərinin bir hissəsi birjada satışa çıxarılacaq

2020-2021-ci illərdə "SOCAR Turkey Energy" şirkətinin səhmlərinin bir hissəsi birjada satışa çıxarılacaq.

 Vətəninfo.az-ın "APA-Economics”ə istinadən xəbərinə görə, bu barədə "SOCAR Turkey Energy" şirkətinin rəhbəri Kənan Yavuz Türkiyənin CNBC telekanalına müsahibəsində deyib.

 "2020-2021-ci illərdə şirkətimizi xalqa açıq etmək istəyirik. Şirkətimizin səhmlərinin bir hissəsi, yəni "Goldman Sachs International" investisiya şirkətinin sahibi olduğu səhmlər satışa çıxarıla bilər. Satışa çıxarılacaq hissələr 13-15%, hətta bundan yüksək də ola bilər. Bu həcm həmin zaman bazarın tələblərindən asılı olacaq", - deyə K. Yavuz bildirib.

 K. Yavuz əlavə edib ki, "Goldman Sachs International" SOCAR-ın strateji tərəfdaşıdır.

 Xatırladaq ki, "SOCAR Turkey Energy" şirkəti "Petkim Holding"dəki səhm paketinin 13%-ni satıb. "SOCAR Turkey Energy"nin rəhbəri Kənan Yavuzun sözlərinə görə, əqdin dəyəri 1,3 mlrd. ABŞ dolları təşkil edib. "SOCAR Turkey Energy"nin səhmlərinin 13%-i "Goldman Sachs International" investisiya şirkətinə satılıb. Adıçəkilən şirkət ABŞ-ın "Goldman Sachs" və "JP Morgan" bankları tərəfindən yaradılıb.