66 yaşlı təqaüdçü əkiz anası oldu

”Vətəninfo.az”ın xarici mətbuata istinadən verdiyi xəbərə görə, İsveçrədə 66 yaşlı təqaüdçü qadın əkiz uşaq dünyaya gətirib. Dünyaya əkiz oglan gətirən ananın adı açıqlanmır. Yalnız bildirilir ki, o, kilsələrdən birində xidmət edib və heç vaxt ərdə olmayıb. Qadın ekstrokorporal mayalanma yolu ilə hamilə qalıb. O, İsveçrənin ən yaşlı anası hesab olunur. Ondan öncə bu rekorda 64 yaşlı ölkə vətəndaşı imza atmışdı. Süni mayalanma prosedurunu qadın Ukaynada həyata keçirib. Təqaüdçünün hamilə olmasını yaxınları belə bilməyiblər. Xəbər ictimaiyyət arasında da birmənalı qarşılanmayıb. Çoxları hesab edir ki, 66 yaşlı ana çətin ki, uşaqları həddi-buluga çatdıra bilsin.