“AP-nin Ramil Səfərovla bağlı qəbul etdiyi qətnamənin heç bir hüququ yoxdu"

Rəşidə Dati : “Çoxmədəniyyətliliyi müzakirə etmək təqdirəlayiqdir”

“Azərbaycanlı zabit Ramil Səfərov ilə bağlı Avropa Parlamentinin qəbul etdiyi qətnamənin heç bir hüquqi qüvvəsi yoxdur”. Bu barədə dünən  Milli Məclisdə keçirdiyi mətbuat konfransında Avropa Parlamentinin üzvü, Paris şəhərinin 7-ci ərazisinin meri Rəşidə Dati deyib. O qeyd edib ki, Avropa Parlamentinin Ramil Səfərovla bağlı qəbul etdiyi qətnamə əslində bəyannamə, bəyanat xarakteri daşıyır: “Bununla bağlı çox danışıb şişirmək də lazım deyil. Avropa Parlamenti üzv dövlətlərlə, o cümlədən Fransa ilə bağlı da tənqidi qətnamə qəbul edir. Amma bu, heç nəyi dəyişmir, çünki hüquqi əsası yoxdur”.
“Bakıda keçirilən II Bakı Beynəlxalq Humanitar Forumda dünyanın müxtəlif ölkələrindən mütəxəssislərin dəvət olunması və onların xüsusən də çoxmədəniyyətliliyi müzakirə etməsi təqdirəlayiqdir”. Bunu da R. Dati   Milli Məclisdə keçirdiyi mətbuat konfransında bildirib . Onun qeyd etdiyinə görə, bu forum iştirakçı dövlətlər üçün də bir fürsətdir.  “Mənim birbaşa aidiyyəti olduğum çoxmədəniyyətlilik forum çərçivəsində geniş müzakirə olundu. Azərbaycan Prezidenti İlham Əliyevin bu sahədə böyük təcrübəsi var və iştirakçı ölkələrin nümayəndələri bu praktikadan böyük məmnuniyyətlə, yararlanırlar”-deyə,o, sözlərinə əlavə edib.

KAMİL