Azərbaycan benzin ixracını tarixi minimuma endirib

ARDNŞ-dən «APA-Economics»ə verilən məlumata görə, bu, 2012-ci ilin dekabr ayı ilə müqayisədə 38,1 dəfə azdır.

Hesabat ayında ARDNŞ 75 612 ton dizel yanacağı ixrac edib ki, bu da daha əvvəlki ilin eyni dövrü ilə müqayisədə 6,9% azdır. Ötən ilin sonuncu ayında 15 387 ton təyyarə yanacağı ixrac edilib ki, bu da 2012-ci ilin dekabr ayına nisbətən 37,3% azalma deməkdir.

Ümumilikdə, 2013-cü il ərzində 14 250 ton avtomobil benzini satılıb ki, bu da 2012-ci ilə nisbətən 4,2 dəfə azdır. Həmçinin, 899 905 ton dizel yanacağı ixrac edilib və bu, 2012-ci il ilə müqayisədə 2,3% azalma deməkdir.

Bununla yanaşı, keçən il təyyarə yanacağı və soba mazutunun ixracı müvafiq olaraq 10% və 4,6 dəfə azalaraq 131 322 ton və 657 ton təşkil edib.

Qeyd edək ki, 2013-cü ilin dekabr ayında dünya bazarında etilləşdirilmiş benzinin qiyməti (1 ton üçün) - 952,36 ABŞ dolları, təyyarə yanacağı - 985,19 dollar, dizel yanacağı - 928,71 dollar, 1%-li kükürdlü mazutun qiyməti isə 615,78 dollar təşkil edib.