Azərbaycan-İtaliya biznes əlaqələrində daha bir addım

“Veteninfo.az” Trend-ə istinadən verdiyi xəbərə görə, İqtisadi İnkişaf Nazirliyi yanında Azərbaycanda İxracın və İnvestisiyaların Təşviqi Fondu (AZPROMO) ilə Azərbaycan-İtaliya Ticarət İnstitutu arasında Bakıda keçirilən Azərbaycan-İtaliya biznes forumu çərçivəsində əməkdaşlıq haqqında memorandum imzalanıb.

Habelə Sahibkarlar (İşəgötürənlər) Təşkilatları Milli Konfederasiyası ilə Azərbaycan-İtaliya Ticarət İnstitutu arasında və Azərbaycanın “ASPI Holding” şirkəti ilə İtaliyanın “Usque ad Finem” şirkəti arasında əməkdaşlıq haqqında memorandumlar imzalanıb.

Tədbirdə Azərbaycan və İtaliya tərəfdən sənaye, tikinti, İKT, mebel istehsalı, mədəniyyət, turizm, bankçılıq və s. sahələrdə fəaliyyət göstərən 50-yə yaxın iş adamı iştirak edib.

Biznes forumda Azərbaycan və İtaliya iqtisadiyyatına dair təqdimatlar və iş adamları arasında ikitərəfli görüşlər də keçirilib.