Azərbaycan parlamentində "Şaban" müzakirəsi

Fərəc Quliyev: "Türk dilini rahat anlayırıq, səsləndirməsinə ehtiyac yoxdur"

"Vətəninfo.az"ın verdiyi məlumata görə, Azərbaycanın Mili Məclisində Türkiyə filmlərində "Şaban" obrazını yaratmış mərhum aktyor Kamal Sunal müzakirə obyekti olub. Parlamentin son iclasında "Xəzər TV" kanalında Kamal Sunalın çəkildiyi filmlərin nümayişi zamanı aktoyrun səsinin tərcüməsi və ümumilikdə filmlərin dublyaj edilməsi millət vəkilləri tərəfindən müzakirə edilib

Qeyd edək ki, parlamentdə çıxış zamanı Milli Dirçəliş Partiyasından olan millət vəkili Fərəc Quliyev "Şaban" obrazının dublyajına və filmlərin türk-dilindən tərcüməsinə eitrazını bildirib. "Kamal Sunalın filmlərdəki sözlərini hər birimiz anlayırıq. Əgər onun dedikləri tərcümə edilmirsə, niyə digərləri tərcümə edilir? Məgər digərləri fərqli bir dildə danışır? Türk dilini rahat anlayırıq, səsləndirməsinə ehtiyac yoxdur.”,-deyə Fərəc Quliyev əlavə edib.