“Azərbaycanın BMT Təhlükəsizlik Şurasında öz prinsipiallığı ilə seçilir”

Prezident İlham Əliyev: “Azərbaycan bu qurumda ilk növbədə, beynəlxalq hüququ və ədaləti müdafiə edəcəkdir”

"Vətəninfo.az"ın verdiyi xəbərə görə, bu sözləri Azərbaycan prezidenti İlham Əliyev dünən Nazirlər Kabinetinin 2012-ci ilin   birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasında  çıxışı zaman bildirib.

Prezident bəyan edib ki, gələn ay Azərbaycan BMT Təhlükəsizlik Şurasında sədrlik funksiyasını üzərinə götürəcəkdir.

Dövlət başçısı vurğulayıb ki, Azərbaycan dünyanın ən böyük, ən mötəbər, ən vacib qurumuna sədrlik edəcək: “Biz BMT Təhlükəsizlik Şurasında, ilk növbədə, beynəlxalq hüququ və ədaləti müdafiə edəcəyik və müdafiə edirik. Bizim mövqeyimiz ədalətlidir, ölkəmizin müstəqil siyasəti üzərində qurulmuşdur”. 

 İlk günlərdən Azərbaycanın BMT Təhlükəsizlik Şurasında öz prinsipiallığı, mövqeyi ilə seçildiyini qeyd edən dövlətimizin başçısı qeyd edib: “Biz heç vaxt öz mövqeyimizi gizlətməmişik və heç vaxt gizlətməyəcəyik, çünki bizim mövqeyimiz ədalətlidir”.

Rövşən Ziya