Azərbaycanlı leytenantın qalıqları tapıldı

Aprel ayının 25-dən may ayının 8-nə kimi Arxangelsk vilayətinin Mirnıy şəhərinin V.F.Margelov adına “Desatnik” SQ birləşməsi Leninqrad vilayətinin Kiyevsk rayon ərazisində axtarış işləri aparıb.

Axtarış zamanı əsgərlərin qalıqları və onların əşyaları tapılıb.
May ayının 2-də Qontovaya lipkada əsgərlərin qalıqları və “ŞP” yazısı olan qaşıq tapılıb. Bu qaşıqla 1917-ci il təvəllüdlü , 64-cü atıcı qvardiya diviziyasının leytenantı Şamil Mustafa oğlu Poladov tapılıb. O, Azərbaycan SSR-nin Zaqatala rayonunda anadan olub, həmin rayonun hərbi komissarlığı tərəfindən hərbi xidmətə çağırılıb, 1943-cü ilin yanvar ayının 18-də həlak olub.
Daha öncə qaşığın üzərində L.T.Ş. yazısı olduğu ehtimal edilirdi, amma Administrativ ərazi birləşməsinin DİN Şöbəsinin ekspertizası keçirildikdən sonra burada yalnız “ŞP” olduğu aşkarlandı. Beləliklə, Azərbaycan leytenantı şərəfli adını aldı.
Əgər kim isə tapılan əsgərlər haqqında məlumata malikdirsə və ya yuxarıda göstərilən regiona çıxışı varsa 8-964-300-24-84 nömrəli telefona zəng etsin.oxu.az