Bakıda güclü küləyin binalardan birinin təmiri üçün istifadə edilən taxta-metal konstruksiyalı tikilini uçurması nəticəsində 2 avtomobilə ziyan dəyib.

Miq.az-ın məlumatına görə, Xəzər rayon İcra Hakimiyyətindən lent.az-a bildirilib ki, Binə qəsəbəsinin mərkəzi küçəsi olan Əli İsazadə küçəsi 3 ünvanındakı binanın qarşısında baş vermiş hadisənin fəsadları aradan qaldırılır.

Uçqun altında qalan avtomobillər təmir edilən binada yaşayan vətəndaşlara məxsus olub və təmiri aparan şirkət sakinlərlə danışıq apararaq ziyanın qarşılanacağına vəd verib.