Biçinin gecikdirilməsi taxıl itkisi ilə nəticələnib

Qərb bölgəsində taxıl biçini hələ də davam edir. Fermerlərin bəziləri biçin zamanı texnikanın bolluğundan razlıq edib, bəziləri isə kombaynların olmaması səbəbindən məhsulun itkiyə getməsindən şikayətlənib. Vətəninfo.az-ın SİA-ya istinadla verdiyi xəbərə görə, tovuzlu fermerlər builki məhsuldarlıqdan razı qaldıqlarını bildirsələr də, ağstafalı fermerlər bunun əksini deyiblər. Səbəb isə taxıl biçini zamanı Ağstafada kombaynların az olması olub. Tovuzlu fermer Aslan Aslanov əvvəlki illərə nisbətən bu il Rusiyadan gətirlimiş "elit” toxumu  əkdiyini və hər bir hektardan orta hesabla 30-35 sentner məhsul götürdüyünü söyləyib. Əsası isə odur ki, fermerlərin azyaşlı övladları da taxıl mövsümü ilə əlaqədar valideyinlərinə kömək edərək taxıl sovurur, onu bir yerdən digər yerə daşıyırlar.

Ağstafalı fermer Adil İsmayılov isə bu il əkdiyi taxıla yüksək səviyyədə aqrotexniki qulluq etməsinə baxmayaraq, yüksək məhsulldarlıq əldə edə bilməyib. Uzun illərdir kənd təsərrüfatı işləri ilə məşğul olan Adil İsmayılov hər bir hektardan 35-40 sentner məhsul götürəciyini zənn etdiyi halda, taxılı vaxtında biçdirə bilmədiyi üçün yalnız 20 sentner məhsul götürə bildiyini deyib. Fermer buna səbəb kimi rayonda aqroservizin xidmətinin yox səviyyəsində omasını və vaxtında kombayn tapa bilmədiyi üçün taxılın yerə töküldüyünü deyib.