“Bizə gələndə hər kəs demokratiyanı əlində bayraq edir”

“Bizim dardüşüncəli, yalnız öz məqsədlərini göz önünə alan bir qrup uğursuzların fikirləri Azərbaycanın ziyanına işləyir”

“ATƏT-in Minsk qrupunun münaqişənin həlli üçün böyük imkanları var, amma bu imkanlardan istifadə etmir. İşğalçı Ermənistana təzyiqlər göstərilmədiyi üçün bu qurumun fəaliyyəti cəmiyyətimizdə narazılıq doğurur”. “Vətəninfo.az” xəbər verir ki, bunu Milli Məclis sədrinin müavini Bahar Muradova YAP-ın saytına müsahibəsində deyib. O bildirib ki, bu yaxınlarda bölgədə səfərdə olan ATƏT-in baş katibi də bəyan etdi ki, hər hansı tərəfə təzyiq etmək fikrimiz yoxdur: “Necə ola bilər ki, beynəlxalq hüququn prinsiplərini pozan işğalçı tərəfə sən bunu etmisən demək istəməyəsən? Yəni bu kimi yanaşmalar Azərbaycan cəmiyyətində narahatlıq doğurur”.