Böyük hədə: Türkiyəni raketlərlə vuracağıq

Wikileaks İranın Türkiyəni təhdid etməsi ilə bağlı yeni sənəd yayıb.

Vətəninfo.az  ANS PRESS-ə istinadla xəbər verir ki,, Səudiyyə Ərəbistanının Tehrandakı səfirliyindən Xarici İşlər Nazirliyinə göndərilən məktubda bildirilir ki, İran tərəfi Türkiyənin Suriyada müxalifləri dəstəkləməkdən imtina etmək üçün rəsmi Ankara ilə dəfələrlə müzakirələr aparıb.
Wikileaksin yaydığı sənəddə diqqət çəkən məqam isə İranın Türkiyəni raketlərlə vurmaqla hədələməsidir. Rəsmi Tehran bəyan edib ki, Türkiyə hərbi hava qüvvələri Suriyanı vurmağa cəhd edərsə, Türkiyə İran raketlərinin hədəfinə çeviriləcək.
Rəsmi yazışmaları mediaya sızdırmaqla tanınan Wikileaks ötən həftələrdə Səudi Ərəbistana aid 60 000 gizli sənədi yayımlayıb.
Wikileaksin sənədləri bu ərəfədə yayımlaması təsadüfi görünmür. Çünki son günlər Türkiyə-Suriya sərhədində gərginlik yaşanır. Türkiyə Silahlı Qüvvələri tankları Suriya sərhədinə cəmləyib.