DAK həmsədri Sabir Rüstəmxanlı DAK İH üzvü Səftər Rəhimlidən Ali Məhkəməyə şikayət edib

   “Vətəninfo.az”ın verdiyi xəbərə görə, DAK həmsədri Sabir Rüstəmxanlının DAK İdarə heyətinin üzvü, qurumun Azərbaycan nümayəndəliyinin rəhbəri Səftər Rəhimliyə qarşı qaldırdığı məhkəmə iddiasına Sabah 4 sentyabr 2012-ci ildə tarixində saat 11.30 da Ali məhkəmdə hakim Şahin Yusifovun sədrliyi ilə baxılacaq.

   Xatırladaq ki, DAK-ın birləşməsindən dolayı bas verən çəkişmələrdən Sabir Rüstəmxanlı DAK-ın birləşməsini istəyən şəxsləri 03 avqust 2011-ci ildə keçirdiyi mətbuat konfransında İran və Rusiyanın adamları olduqlarını bildirib. Buna qarşılıq olaraq 05 avqust 2011-ci ildə Səftər Rəhimli “Gündəlik Bakı” qəzetinə verdiyi müsahibədə ”Sabir Rüstəmxanlı öz adını başqalarına qoyur”. Atalarda bele bir misal var deyir “Adımı senə qoydum sənidə yana–yana qoydum” deyə bildirərək “ Əslində Sabir Rüstəmxanlının vaxtiylə rus “KQB”si ilə məcaralarından hər kəs danışır” deyə ifadə etmişdir. Ona görə də Sabir Rüstəmxanlı 11 avqust 2011-ci ildə Səftər Rəhimlini məhkəməyə verərək Az.Res CM-nin 147.1 və 148-ci maddələri ilə cinayət məsuliyyətinə cəlb olunmasını və cəzalandırılmasını tələb edib. Onu da bildirək ki, həm rayon məhkəmələri, həm də Apelliyasiya məhkəməsi Sabir Rustəmxanlının iddialarını əsassız hesab edərək işi ləğv etmişdir.

   İndi isə Sabir Rüstəmxanlı işə Ali Məhkəmədə baxılması üçün yenidən şikayət ərizəsiylə müraciət edib.