"Ermənistan-Azərbaycan Dağlıq Qarabağ münaqişəsi Azərbaycan-Türkiyə-Rusiya üçtərəfli mexanizmi çərçivəsində müzakirə edilə bilər".

Miq.az Trend-ə istinadən bildirir ki, bunu Türkiyənin xarici işlər naziri Mövlud Çavuşoğlu deyib.

Nazir bildirib ki, üçtərəfli format bütün tərəflər üçün faydalı olacaq: "Biz bu formatı Azərbaycanda görüş zamanı müzakirə etdik. Azərbaycan Rusiya ilə üçtərəfli mexanizmi müsbət qiymətləndirdi. Bu təşəbbüs Türkiyə Prezidenti Rəcəb Tayyib Ərdoğanın Rusiya Prezidenti Vladimir Putinlə görüşündə də səsləndirildi. Rusiya da bu mexanizmi müsbət qiymətləndirdi. Biz siyasi, iqtisadi və nəqliyyat sahələrində əməkdaşlıq edə bilərik".