Deputat Pravda.az-a açıqlamasında deyib ki, hadisənin baş vermə səbəblərinin hansısa ehtimallar üzərində qurmaq düzgün deyil: "Rəsmi açıqlamanı gözləmək lazımdır. Prezident İlham Əliyevin müvafiq Sərəncamı ilə Dövlət Komissiyası yaradılıb. Məsələ dövlət başçısının birbaşa şəxsi nəzarətindədir. Cənab Prezident dünən keçirdiyi müşavirədə bildirdi ki, Komissiyanın işi məsələni tam araşdırmaqdır. Komissiya qəzanın səbəblərini və bütün təfərrüatlarını araşdırıb, Azərbaycan cəmiyyətinə məlumat verməlidir. Müvafiq qurumlar da hadisə ilə bağlı səfərbər olublar. AZAL-a məxsus sərnişin təyyarəsinin Aktauda qəzaya uğraması nəticəsində insan tələfatının olması hər birimizi kədərləndirir. Allah dünyasını dəyişənlərə rəhmət eləsin, yaralılara şəfa versin”.