“Dost” adlı dərgi nəşrə başlayıb

“Vətəninfo.az”ın verdiyi xəbərə görə, bu yaxınlarda Azərbaycanda nəşr olunan yüzlərlə qəzet və dərgi siyahısına “Dost” adlı daha bir dərginin adı əlavə olundu.  Dərgi “Aylıq elmi-ictimai jurnal” kimi nəşrə başlayıb və əsasən araşdırma yazılarla oxucuların görüşünə gəlməyə üstünlük verəcək. Dərginin təsisçi və baş redaktoru gənc araşdırmaçı Elvin Arifoğlu, redaktorları gənc yazarlar Tural İrfan və Habil Yaşardır. “Dost”un ilk sayında Bakı İslam Universitetinin rektoru Hacı Sabir Həsənlinin, millət vəkili Fazil Mustafanın və AYB Muğan Bölməsinin sədri şair Namiq Hacıheydərlinin təbrikləri, jurnalist İradə İsaqın və Fazil Mustafanın müsahibəsi, gənc yazar Gülşən Behbudun “Millət qəhrəmanını tanımalıdır” yazısı, mərhum şairlər Hüseyn Arif və Nüsrət Kəsəmənlinin şeirlərindən örnəklər və digər maraqlı yazılarla tanış ola bilərsiz. “Dost”  dərgisini metrostansiyaların və “Qasid”in Bakı şəhərində və bölgələrdə fəaliyyət göstərən satış köşklərindən əldə etmək olar.

Elnur Eltürk